Michel 1540, Habe da ein altes Dokument zum Übersetzen

[MicWas]

wer kann mir das Gerichtsdokument Übersetzen?

Danke im Voraus..

[eritro]

Hier eine erste Transkription:

«Streng vest from fürsichtig unnd wyß, günstig lieb herren unnd gethreüw lieb altt Eydtgnossen, min underthänig schuldig unnd wyllig dienst, syend üch alle zitt zuvoren nach gepür bereitt, demnach ich uff freittag nächst verschinen, vor üch verschinen, mir under anderm angehenckt worden, nach dem ich ein armen mentschen in gefengknus, der üch angäben, das er Oßwalden Ziegler des wirtz zue Zug zum Schwert, sin seckhell mit gelt, ein bar hossen und wamsel sölle verstollen habe, diewyll er aber der dinge nit gichtig sin welle, sye üwer beger, das mine herren, der sachen wellend nachfragen, unnd was sy finden werden, üch söllichs kuntschafft wyß zu schicken.

Uff söllichs habend mine herren den wirtt und sin sun des verlornen geltz halb erkunndtt, und erfindet sich das der jünglig by xij guldin allerley geltz, verloren darin zwo kronen, ein reich guldin wertig silberin dick pfennig, ettliche österricher und gestempfft bemst, costantzer und schwitzer batzen und sust allerley gutte müntz, so er by ein andern gehebt, verloren und ein bar hossen unnd wamsell, darin das gelt in einem kasten gesin, weliches gelt er uff mendag nach der alten vaßnacht verloren, und sye ouch der frömd gesell den selben tag im huß gsin und by innen geczectt, etc.

Uff das hand mine herren die kuntschafft vertaget das sy uff gester suntag soltend in der statt hin gsin, das ist aber nit beschächen und mit recht verkündt worden, darauff hand mine herren mich verordnett, gan Kam zefaren und die gsellen zu beschicken, und ein geschworene kuntschafft in zu nämen, alls das beschächen ist uff hütt dato etc. welliche kuntschafft ich üch hiemitt verschlossen, us bevelch miner herren, by iren harumb allein gesantten geschworene botth zu schicken, üch verrer nach gepürt darnach zu halch [?] wüssende, mit beger an söllichem verzug kein verdenß zehaben, dann es nit, so hat mogen beschächen.

So dann berurende die vo Meyers cappell, des fürthrags berurende den lütpriester zu Kam, wie ich üwere botten uff einen früntlichen tag verordnett, fugen ich üch zu wüssen das mine herren den früntlichen tag bestimpt und angesetzt habend, namlichen uff jetzt nächst künfftig Donstag zu rechter tag zitt, ze Buchennaß zu erschinen, daselbs sy ich verordnette botten auch haben das ic den üweren ouch ankünden mogen, damit sy daselbs zesamen komen, gutter hoffnung ein gepürlichs mittel darin funden werde.

Söllichs hab ich üch gutter meynung, dienstlichs wyllenß uff üwer begern nit verhalten wollen, und üch hiemit dem almechtigen bevelchende, datum Zug kam in yll uff mentag nach dem suntag letare [8. März] anno etc. 1540.

Üwere streng […] wyßheitt.
w. v. Jacob Koly[n] stattschreiber Zug

1540. Michel, Hans v. Meienthal. Diebstahl.»

eritro

[MicWas]

Super Übersetzung, echt toll vielen Dank.
Könnte das; Hans Michel Meiental auch Melchtal heissen???

Gruss Thomas