Lesehilfe: Murer von Beckenried NW (Schweiz)
Verfasst: So 16. Nov 2008, 20:54
meigi hat um Lesehilfe gebeten für ein Truckligült (vgl. Ambauen von Beckenried NW).
Ich Sebastian Käslin Landtman zuo Underwalden bekenne hiemit einer Redlichen Schuldtgelten solle dem Ehrsammen undt bescheidnen altweibel Melcher Murer in Nahmen seinen lieben Vogts Kinderen Uolirch Murerß seelig oder Recht Inhaber diß brieffs: Namblichen Vierhundert pfundt haubtguet und darvon Jerlichen uf Martini acht tag vor oder nach zwentzig pfundt zinß bargelt nach Landtrecht. Man mag diß haubtguet Zinsen so lang man will, so man aber lieber ablösen wolte, alß man wol thuen mag, so man bringt einen anderen brieff umb pfundt Vierhundert, deren unserem landt uf guetem ligenden guet nach Landtrecht wol versicheret sige zinß und haubtguet samenthafft mit barem abzulösen standen, dan solle man nemmen und disen brieff hiemit abgelöst haben. Damit aber Recht ynhaber diß brieffs umb zinß undt haubtguet desto sicherer sige, so setzen ich zue wahrem underpfandt yn mein hauß undt hostatt genambt ynfang in Beggenried gelegen, stost obsich an Niclauß Murerß ynfang, nitsich an Niclauß Murerß Lölibach, nebentsich and Kellerßmat, anderthalb an baschi Murerß hinder hostatt, und Galli Kretzen sterthen, stath vier tausent zweyhundert pfundt haubtguet, sonst ledig. Mit gedingen wan schuldner mit Jerlichem Zinß bargelt uf Martini zu erlegen sünnig were, so mag kraft inhaber diß brieffs darumben angrieffen diß sein Underpfandt, den bluomen, daß Vech, so den ystat oder gessen hette undt umb sein usstehenden verfallenen Zinß daß bargelt darauß lösen nach Landtrecht. In Crafft diß brieffß mit deß hochgeachten Woledelgebohrnen undt gestrengen Herren Carl Joseph Lussy Ritter, Panerherr, und der Zeit Regierender Landtaman zu Underwalden Nit dem Khernwaldt eignen Secret Insigell /: doch ihmme und seinen Erben ohne schaden :/ bewahrt den 16ten Aprellen deß 1692 Jahrß.
Haubt. Heinrich Lud. Lussy Lantschr.
Ich Sebastian Käslin Landtman zuo Underwalden bekenne hiemit einer Redlichen Schuldtgelten solle dem Ehrsammen undt bescheidnen altweibel Melcher Murer in Nahmen seinen lieben Vogts Kinderen Uolirch Murerß seelig oder Recht Inhaber diß brieffs: Namblichen Vierhundert pfundt haubtguet und darvon Jerlichen uf Martini acht tag vor oder nach zwentzig pfundt zinß bargelt nach Landtrecht. Man mag diß haubtguet Zinsen so lang man will, so man aber lieber ablösen wolte, alß man wol thuen mag, so man bringt einen anderen brieff umb pfundt Vierhundert, deren unserem landt uf guetem ligenden guet nach Landtrecht wol versicheret sige zinß und haubtguet samenthafft mit barem abzulösen standen, dan solle man nemmen und disen brieff hiemit abgelöst haben. Damit aber Recht ynhaber diß brieffs umb zinß undt haubtguet desto sicherer sige, so setzen ich zue wahrem underpfandt yn mein hauß undt hostatt genambt ynfang in Beggenried gelegen, stost obsich an Niclauß Murerß ynfang, nitsich an Niclauß Murerß Lölibach, nebentsich and Kellerßmat, anderthalb an baschi Murerß hinder hostatt, und Galli Kretzen sterthen, stath vier tausent zweyhundert pfundt haubtguet, sonst ledig. Mit gedingen wan schuldner mit Jerlichem Zinß bargelt uf Martini zu erlegen sünnig were, so mag kraft inhaber diß brieffs darumben angrieffen diß sein Underpfandt, den bluomen, daß Vech, so den ystat oder gessen hette undt umb sein usstehenden verfallenen Zinß daß bargelt darauß lösen nach Landtrecht. In Crafft diß brieffß mit deß hochgeachten Woledelgebohrnen undt gestrengen Herren Carl Joseph Lussy Ritter, Panerherr, und der Zeit Regierender Landtaman zu Underwalden Nit dem Khernwaldt eignen Secret Insigell /: doch ihmme und seinen Erben ohne schaden :/ bewahrt den 16ten Aprellen deß 1692 Jahrß.
Haubt. Heinrich Lud. Lussy Lantschr.